حسان خان نیازی، ایک بریگیڈیئر اور کئی۔دوسرے افراد کو کتنے سال کی سزائیں سنا دی گئیں

9 مئی جناح ہاؤس حملہ کیس: ملٹری کورٹ نے مزید 60 مجرموں کو سزائیں سنادیں

پاک فوج کے شعبہ تعلقات عامہ (آئی ایس پی آر) کے مطابق 9 مئی کے سانحے میں ملوث مزید 60 افراد کو فیلڈ جنرل کورٹ مارشل نے مختلف سزائیں سنائی ہیں۔ یہ فیصلے تمام شواہد کی مکمل جانچ اور قانونی تقاضوں کے مطابق کیے گئے۔ آئی ایس پی آر کا کہنا ہے کہ حکومت، قوم، اور افواج انصاف اور ریاست کی رٹ کو یقینی بنانے کے لیے پُرعزم ہیں۔

نمایاں مجرمان کو دی گئی سزائیں

1. حسان خان نیازی (حفیظ اللہ نیازی کے بیٹے): 10 سال قید بامشقت

2. میاں عباد فاروق: 2 سال قید بامشقت

3. رئیس احمد: 6 سال قید بامشقت

4. ارزم جنید: 6 سال قید بامشقت

5. علی رضا: 6 سال قید بامشقت

6. راجہ دانش: 4 سال قید بامشقت

7. سید حسن شاہ: 9 سال قید بامشقت

دیگر کیسز اور سزائیں

بریگیڈیئر (ریٹائرڈ) جاوید اکرم: 6 سال قید بامشقت

اے آئی ایم ایچ راولپنڈی حملہ: علی حسین کو 7 سال قید

پنجاب رجمنٹ سینٹر مردان حملہ: زاہد خان کو 2 سال قید

ہیڈکوارٹر دیر اسکاؤٹس حملہ: سہراب خان کو 4 سال قید

مختلف حملوں میں ملوث افراد کی سزائیں

ملتان کینٹ چیک پوسٹ حملہ: خرم لیاقت کو 4 سال قید

قلعہ چکدرہ حملہ: ذاکر حسین کو 7 سال قید

پی اے ایف میانوالی حملہ: فہیم ساجد کو 8 سال قید

فیصل آباد آئی ایس آئی آفس حملہ: حمزہ شریف کو 2 سال قید

بنوں کینٹ حملہ: امین شاہ کو 9 سال قید

یورپی یونین اور مغربی ممالک کے تحفظات

چند روز قبل 25 دیگر مجرموں کو بھی ملٹری کورٹ نے سزائیں دی تھیں۔ ان فیصلوں پر یورپی یونین، امریکہ، اور برطانیہ نے تحفظات کا اظہار کیا تھا۔ دوسری جانب پاکستان تحریک انصاف نے ان سزاؤں کو آئین سے متصادم قرار دے کر فیصلے کو عدالت میں چیلنج کرنے کا اعلان کیا ہے۔

واضح رہے کہ 9 مئی کے واقعات کے دوران جناح ہاؤس، جی ایچ کیو، اور دیگر عسکری مقامات پر حملے کیے گئے تھے، جن کے بعد ان ملزمان کے خلاف کارروائیاں کی گئی ہیں۔