پاکستان نے آسٹریلوی سرزمین پر تاریخ رقم کر دی

 پرتھ / مانیٹرنگ ڈیسک: پاکستان نے آسٹریلیا کے خلاف اس کی اپنی سرزمین پر 22 سال بعد سیریز جیت لی۔ پرتھ میں پاکستان نے آسٹریلیا کو 8 وکٹوں سے شکست دے کر سیریز 2-1 سے اپنے نام کی۔ پاکستان نے آسٹریلیا کا 141 رنز کا ہدف صرف دو وکٹوں پر 27 ویں اوور میں حاصل کر لیا۔ پاکستان کی جانب سے صائم ایوب نے 42 ، عبداللہ شفیق نے 37 کپتان محمد رضوان نے ناٹ آؤٹ 30جبکہ بابر اعظم نے ناٹ آؤٹ 28 رنز بنائے ۔ پاکستان نے آخری بار 2002 میں وقار یونس کی کپتانی میں آسٹریلیا کو اس کی سرزمین پر ون ڈے سیریز ہرائی تھی۔