کنبرا/ مانیٹرنگ ڈیسک: آسٹریلیا کے سابق کپتان مائیکل کلارک کہتے ہیں کہ محمد رضوان میں ایک ذہین اور مقابلہ کرنے والا کپتان بننے کی تمام صلاحیتیں موجود ہیں ۔ اپنے ایک بیان میں کلارک کہتے ہیں کہ جب پاکستان 200 رنز بنا کر آؤٹ ہو گیا تو مجھے لگا کہ یہ میچ ہم آسانی سے جیت جائیں گے لیکن محمد رضوان نے جیت ہمارے لیے انتہائی مشکل بنا دی ۔انھوں نے بہترین فیلڈنگ پوزیشن سیٹ کی اور بولرز کا بہت اچھا استعمال کیا۔ یہ ان کا بطور کپتان پہلا میچ تھا لیکن وہ سلجھے اور منجھے ہوئے کپتان نظر آئے۔
