محبت میں مبتلا ہو کر پاکستان آئی امریکی خاتون نے نیا ہی رنگ نکال لیا

کراچی / مانیٹرنگ ڈیسک: ایک امریکی خاتون کراچی میں مقیم ایک نوجوان کی محبت میں مبتلا ہو کر گارڈن کے علاقے میں اس کے گھر پہنچ گئیں۔ تاہم، نوجوان کے اہل خانہ نے گھر کو بند کر دیا اور کہیں چلے گئے۔

پولیس کے مطابق، خاتون عمارت کی پارکنگ میں موجود ہیں اور عمارت کی انتظامیہ نے فلیٹ کے دروازے بند کر دیے ہیں۔ اس موقع پر ایک صحافی نے ان سے پوچھا کہ وہ کس نوجوان سے شادی کرنا چاہتی ہیں؟ خاتون نے جواب دیا کہ یہ بتانے کے لیے 3 ہزار ڈالر دیں، اور مزید کہا کہ انہیں پاکستانی پاسپورٹ اور ہر ہفتے 2 ہزار ڈالر درکار ہیں۔

قبل ازیں یہ اطلاعات سامنے آئیں کہ خاتون ایئرپورٹ سے ایک ٹیکسی میں بیٹھ کر نامعلوم مقام کی طرف روانہ ہو گئی تھیں۔ ایئرپورٹ ذرائع کے مطابق، حکام نے انہیں امریکی قونصل خانے کے حوالے کرنے کا فیصلہ کیا تھا،

BRC Tower

Features:

• Shops
• Hall
• Office
• Apartment
• Penthouse

Starting at: Rs 30 Lac only

Location: Bahria Enclave, Islamabad

Contact Us: 03326044547

Email: pakistanlivenews.pk@gmail.com

Contact Now

لیکن خاتون نے پولیس کو بتایا کہ وہ اپنے شوہر کے پاس جا رہی ہیں۔

امریکی قونصل خانے کی ایک ٹیم نے کراچی ایئرپورٹ پر خاتون سے ملاقات کی اور حکام سے بات چیت کی۔ ذرائع کے مطابق، امریکی حکام خاتون کو رضامند کر کے واپس بھیجنے کی کوشش کر رہے ہیں، لیکن خاتون نے ان کی مدد لینے سے انکار کر دیا اور کہا کہ وہ کسی کی مدد نہیں چاہتیں۔

مزید برآں، خاتون نے خلیجی ایئرلائن کی پرواز کے ذریعے امریکا واپس جانے سے انکار کر دیا اور مایوسی کے عالم میں ایئرپورٹ پر ہنگامہ کھڑا کر دیا۔ انہوں نے پہلے امیگریشن کرانے سے انکار کیا اور بعد میں ڈیپارچر لاؤنج میں طیارے میں سوار نہیں ہوئیں۔ اطلاعات کے مطابق، وہ کسی بہانے سے نیویارک واپسی کے لیے پرواز کرنے سے کتراتی رہیں۔

یہ بھی بتایا گیا کہ اونیجا اینڈریو رابنس نامی خاتون، جو دو بچوں کی ماں ہیں، نے 11 اکتوبر کو کراچی پہنچ کر گارڈن کے رہائشی 19 سالہ ندال میمن سے ملنے کی کوشش کی۔ نوجوان نے ان سے شادی پر آمادگی ظاہر کی تھی، مگر اس کے گھر والوں نے انکار کر دیا۔

امریکی خاتون کئی ماہ تک کراچی میں دربدر رہیں اور ان کا واپسی کا ٹکٹ بھی ختم ہو گیا۔ وزٹ ویزے کی مدت ختم ہونے کے بعد ایئرپورٹ سیکیورٹی فورس نے انہیں پولیس کے حوالے کیا۔ ایک غیر سرکاری تنظیم نے ان کے امریکا واپسی کے لیے ٹکٹ فراہم کیا اور مالی مدد بھی کی۔

خاتون کو سردی اور زکام کی وجہ سے ایئرپورٹ کے ایمرجنسی کلینک میں داخل کیا گیا تھا۔